Ilesia de Santa María de Bendones

Única ilesia del prerrománicu asturianu que cuenta con un campanariu.

Ilesia prerrománica edificada, probablemente, en tiempos del monarca Alfonso II. Destruyida nel 1936, y identificaes les sos ruines nel 1954 por Joaquín Manzanares, foi sometida a una polémica reconstrucción nel 1958.

El templu actual presenta una nave central única, cabecera tripartita y nártex a los pies. Nos murios norte y sur hai dos compartimientos que se comuniquen col interior de la ilesia.

Énte la ilesia, nel so ángulu suroeste, reconstruyóse una torre campanariu.

L'esterior del templu atópase decoráu por arcos de lladriyos y celosíes reconstruyíos. Sicasí, nel templu hai pieces orixinales como l'alfiz de triple arquería qu'alluma la cámara oculta asitiada sobre la capiella central.

L'interior del templu tien cubierta de madera, sacante la capiella de la nave central, que se cubre con bóveda. Al igual qu'otros templos prerrománicos, tuvo decoráu con pintures murales de les que queden restos sobre l'arcu del llau sur.

Más información ►

Fecha de construcción: 

792-842

Conceyu: 

  • Oviedo/Uviéu

Dirección: 

Parroquia de Bendones (Uviéu)

Teléfono: 

985 255 207

Web: 

http://www.prerromanicoasturiano.es/es/26/monumentos/46/en-oviedo/60/santa-mara-de-bendones.html
Zircon - This is a contributing Drupal Theme
Design by WeebPal.