Cuco Suárez. Crónicas Geopolíticas
- Esposiciones
Fecha:
Preciu:
Llugar:
Conceyu:
- Oviedo/Uviéu
El trabayu de Cuco Suárez (La Pola Llaviana, 1961) tuvo dende los sos entamos venceyáu a la esperiencia traumática del cuerpu. Para él la corporalidá, el dolor, la enfermedá y, a lo postrero el suxetu y la mesma identidá, resulten daqué socialmente construyíu, que ye necesariu entrugar, nel so casu al traviés del arte. Cuco Suárez sírvese tamién de les tecnoloxíes para construyir con elles les sos reflexones averaes al cuerpu y la so disposición, anque suel entemeceles con elementos tradicionales de la redolada rural.
Basada nes sos investigaciones previes y col referente de proyectos como Inútil (1998), Misterio y evolución (2002) y Miedo total (2004), preséntase agora la esposición Crónicass geopolíticas, proyectu específicu diseñáu para'l patiu y sala d'esposiciones temporales del Palaciu de Velarde, una de les sedes históriques del Muséu de Belles Artes d'Asturies. Al traviés de trés instalaciones de calter bien distintu (Damocles, Aquí de nuevo y Muro), l'artista vuelve entrugase sobro l'usu y la instrumentalización del cuerpu humanu, ansina sobre la responsabilidá política na xestión del mesmu.
Tola esposición xuega cola idea d'azar y la necesidá, pero en tolos casos apaecen sicasí, y en contraste colo anterior, les nociones de dominiu, control, programa, crítica alusiva a los intereses xeoestratéxicos de les multinacionales qu'operen como verdaderos suxetos de la hestoria.
