'¡Ave osos!', d'El Mono Habitado

Unes paredes a medio pintar, una palomba okupa, designios divinos, un llibru antiguu, versículos, un teléfono 'vintage', señores con barba, San Sebastián coles sos fleches, Maradona, un representante del Vaticanu, una muyer que se representa a sí mesma, xerseicinos de puntu, patucos, un gatu descalzu, el soníu d'un gavilán, una bicicleta estática, otra, un sofá 'cool', pases de Corintu, trompetes anunciadores, una sopranu que 'glaya' aleluya, un osu con un coxín na tripa, otru, embaranzos psicolóxicos, síndrome de Münchhausen, dos puertes, un güeyu que tolo ve, un apagón, una lluz celestial, dalgún milagru y munchu humor, too ello 'over the rainbow'. Amás de…, anuncios, predicciones, y una eleición duldosa.

Ente designios, milagros y falsos síntomas los personaxes alderiquen sobre un modelu de sociedá nuevu y otros modos de vivir l'amor y la familia.

Autor: Raúl Camino.

Direición: Rolando San Martín.

Intérpretes: Begoña Martín Treviño, Raúl Camino, Aitor Pérez y Javier Liñera.