B-612

Un cuentu poéticu, cenciellu y fondu con enseñances pa grandes y pequeños. La historia de 'El Principín' lléganos al traviés de les lluces, les solombres y los colores proyeutaos nel so asteroide, de la mano d'un aviador mui especial perdíu nel desiertu.

Viaxamos xuntos per planetes imposibles ocupaos por personaxes peculiares que nos van facer ver lo bono que tien ser diferente, lo valioso de la infancia y lo guapo d'escoyer el to propiu camín, inclusive equivocándote.

Un raposu domésticanos, faise'l nuesu collaciu y dexa de ser un raposu cualquiera p'amosanos que'l tiempu que dedicamos a los demás ye lo que los torna especiales. Asina cuando miremos les estrelles nun podremos escaecer que “lo esencial ye invisible a los güeyos”.

Idea orixinal y escenografía: Mar Arrese y Miguel Carrera.

Intérprete: Miguel Carrera.

Illustraciones, diseñu gráficu y fotografía: Mar Arrese.

Direición d'escena: Sergio Gayol.

Música orixinal: Andrés Díez e Irene García.

Principín: César Gayol.

Vestuariu: Anca Petrei.

Producción: Teatro del Cuervo.

Distribución: Realidad Traviesa.

Dirixíu a neñes y neños a partir de 8 años.