'Tristan und Isolde', del Ballet du Gran Thèâtre de Genève
- Danza
Fecha:
Hora:
Preciu:
Llugar:
Conceyu:
- Oviedo/Uviéu
Paez inimaxinable poder averase dende la danza a 'Tristan und Isolde', la ópera de Wagner, tan sólida y de gran complexidá instrumental y argumental, pero al empar sobre un tema universal y cenciellu, cercanu, como ye la imposibilidá del amor y la fortaleza de los qu'aman. Joëlle Bouvier, coreógrafa de la vanguardia francesa dende su agrupación L'Esquisse, entendiólo cuando s'enfrentó, xunto al equipu del Ballet du Gran Thèâtre de Genève, a esta obra. Bouvier confía el pesu de la so creación a la capacidá emocional de la danza y trunfa al desaniciar la narrativa convencional de la ópera, contándola dende los cuerpos, el xestu y les emociones, ensin perder la tensión dramática nin la dimensión tráxica de la historia, aferrándose a la monumentalidá y la emotividá d'esa música.
La so propuesta nun ye la ópera llevada al ballet, sinón una coreografía, personal, que se nutre de les emociones que pudieron estimular a Wagner: l'amor y les sos dificultaes. Veremos asina la producción del 2015 d'esta obra del Ballet du Gran Thèâtre de Genève, qu'anguaño dirixe Philippe Cohen, y que, na so historia, dende'l 1962, enfótase n'esplorar la pluralidá de la danza nel sieglu XX.
Coreografía: J. Bouvier.
Música: R. Wagner (adaptación).
