La casa onde nació Antonio Raimundo Ibáñez, Marqués de Sargadelos (1749-1809), ye anguaño un espaciu espositivu dedicáu a la vida y l'obra d'esti comerciante, industrial y ilustráu, qu'a finales del sieglu XVIII construyó en Sargadelos (Cervo, Llugo) una de les primeres fábriques de fundición de fierro colao y de lloza d'España.
La esposición destaca la vinculación d'esti personaxe a la so tierra natal, na qu'esiste dende antiguu xuna importante industria de fierro forxao, y busca sensibilizar a la población nel caltenimientu del patrimoniu cultural autóctonu.
El muséu ye tamién sede de l'Asociación Amigos de Raimundo Ibáñez. La intención de los responsables ye dar a esta Casa Natal del Marqués de Sargadelos vida propia, cola recuperación y puesta en marcha de tradiciones etnolóxiques como alderique, usos, costumes, etc.
Ta allugáu nuna casa del sieglu XVIII rehabilitada sobre conceutos d'esa dómina. Cuenta con cocía, fornu de pan, sala, miradores, horru, fragua, bodega, llavaderu, corrada y sala d'esposiciones, según aséu y aparatos de filar.
direccion:
web:
horario:
Iviernu:
Sábadu: 11:30-14:00 h y 16:00-20:00 h
A partir de Selmana Santa:
Martes a sábadu: 11:30-14:00 h y 16:00-20:00 h
Domingu: 11:30-14:00 h
Llunes pesllao
