Museos
p>Inauguráu nel 2007, Laboral Centro de Arte y Creación Industrial ye un llugar pa la investigación, formación y producción artística y téunica, amás de pa la proyeición de les formes nueves d'arte y creación industrial.
El Muséu Antón, inauguráu en xunetu del 1989, ta dedicáu a la figura del escultor Antonio Rodríguez García (1911-1937), asina como a la escultura en toles sos manifestaciones.
L'Aula Didáutica del Parque Arqueolóxicu de la Cuenca del Navia intenta averar al visitante a la comprensión de lo que se dio en llamar ''Cultura Castreña del Noroeste''.
El Castelón d'Eilao forma parte de la importante rede de poblados que mientres la época altoimperial sirvió de modelu organizativu pa la distribución de la población y la más óptima esplotación de los recursos auríferos de la zona.
Esti megalitu, conocido popularmente como la Hucha, ta semienterráu y arrodiáu d'un círculu de piedres. Trátase d'un dolmen de cámara simple, orientáu aproximadamente en direición norte-sur y llevantáu con un material pizarrosu.
El Conxunto Etnográficu d'Os Teixois data del sieglu XVIII y ta basáu nel aprovechamientu integral de la enerxía hidráulica del ríu. Nél pue visitase una amplia amuesa d'arquiteutura popular formada por casones, cabazos y horros.
El muséu ta allugáu nel antiguu Asilu Pola, proyeutáu a principios del sieglu XX por Luis Bellido y construyíu baxo la direición de Miguel García de la Cruz. Ésti ta consagráu casi n'esclusiva a la obra del artista xixonés, que finó nel 1978, a los cien años d'edá.
La puxanza actual de la minería del oru n'Asturies revitalizó l'interés del públicu por una actividá que, anque escaecida, cuenta con una historia milenaria nel país.
Los romanos yá usaben nestes tierres los ríos y les ensenaes de la mariña pal so tráficu comercial, pero nun foi hasta la Edá Media cuando empiecen a apaecer pequeños puertos d'abrigu con fines comerciales y pesqueros con escasu tráficu de cabotaxe.
A principios del sieglu XIII la ciudá contaba yá con dalgún tipu de cerca, con trazáu dispuestu por Alfonso IX. Alfonso X impulsaría'l remate de les obres, que s'empecipiaron hacia'l 1261 y tuvieron de terminase nel sieglu XIV.
Páxines
Zircon - This is a contributing Drupal Theme
Design by
WeebPal.
