Esti templu, asitiáu na marxe izquierda de la ría de Villaviciosa, conserva casi na so integridá la nave d'un edificiu prerrománicu, identificada y documentada nos trabayos arqueolóxicos fechos ente los años 2002 a 2004. Presenta planta rectangular con cabecera cuadrada, de mayor altor, cubierta a cuatro agües. La nave cúbrese con estructura de madera vista, mentes que la cabecera faila con bóveda de cañón con lunetos y les capielles, con bóveda d'aresta.
Nel interior destaca l'arcu de trunfu, con dos arquivoltes llises de mediu puntu que se sofiten en dos columnes a cada llau con capiteles con decoración vexetal bastante tosca.
La nave allúmase per aciu de cinco ventanes pequeñes d'estilu prerrománicu, les trés asitiaes na zona alta de la muria sur, y les de la muria norte son partíes, d'arcu de ferradura decoráu con un cenciellu soguiáu, y tán tallaes en bloques monolíticos con columnines y toscos capiteles troncopiramidales a cada llau (nun se caltuvo nengún partelluz). La quinta ventana, nel imafronte, ye de mayores proporciones, tien remate semicircular y conserva una celosía con motivos vexetales.
La portada ye de gran cenciellez, n'arcu de mediu puntu formáu por doveles y un guardapolvos llisu.
Fecha de construcción:
Conceyu:
- Villaviciosa
