Museos
Diz la lleenda, que la Piedra de Filadoira tresportóla una vieya filandera na cabeza, ensin parar de filar, per tola sierra dende San Roque hasta la Sierra de Enterríos, pa colocala como cubierta d'un dolmen.
Cuaña ye un asentamientu (sieglu IV a.C.) asitiáu na marxe izquierda de la ría de Navia, sobre una llomba, arrodiáu de muralles y con accesu dende'l sur.
Les termes romanes de Campu Valdés son un muséu in situ sobre unes termes romanes de dómina altoimperial, consideraes como uno de los xacimientos más importantes del norte de la Península.
Datada na década de los 20, promovida pola firma de capital vascu Hulleras de Turón, ye una obra d'inxeniería na que la so amenorgada escala y la so magnífica restauración dexen entender el funcionamientu d'estes instalaciones y lo que foi la historia industrial de la zona.
El Muséu Arqueolóxicu d'Asturies ta instaláu nel antiguu monesteriu benedictín de San Vicente, del sieglu XVI, edificiu íntimamente venceyáu a la historia d'Uviéu, y nel que vivió y escribió toles sos obres el Padre Benito Feijoo (1676-1764).
Esti centru atópase nuna casona rural de dos plantes llevantada nel sieglu XVIII, qu'esperimentó socesives ampliaciones y cambios. L'edificiu ta compuestu de trés cuerpos, el central más adelantáu, y dos llaterales nos que destaquen los corredores de la primer planta.
Los romanos yá usaben nestes tierres los ríos y les ensenaes de la mariña pal so tráficu comercial, pero nun foi hasta la Edá Media cuando empiecen a apaecer pequeños puertos d'abrigu con fines comerciales y pesqueros con escasu tráficu de cabotaxe.
El Centru d'Interpretación de la Fauna Glaciar y La Cuevona asítiase a la entrada del pueblu d'Avín, y alluguen delles reproducciones de mamuts, un venáu xigante, rinoceronte llanudu, etc., amás de los restos fósiles d'un Coleodonta descubiertu na cueva cercana de La Peruyal.
Nel interior de la casa, allugada nesta aldea del conceyu de Taramundi habitada mientres sieglos por families de ferreiros, amuésase una escoyeta de gran interés cultural d'instrumentos y ferramientes d'un caseríu de la contorna.
Páxines
Zircon - This is a contributing Drupal Theme
Design by
WeebPal.
