Museos
Los romanos yá usaben nestes tierres los ríos y les ensenaes de la mariña pal so tráficu comercial, pero nun foi hasta la Edá Media cuando empiecen a apaecer pequeños puertos d'abrigu con fines comerciales y pesqueros con escasu tráficu de cabotaxe.
El castru del Picu San Ḷḷuis, en Samartín de Beduléu, conceyu d'Ayande, foi descubiertu por José Lombardía Zardaín, vecín d'Ayande. Les primeres escavaciones desenvolviéronse mientres 1962 y 1963 baxo la direición compartida d'Elías Domínguez y Francisco Jordá.
A principios del sieglu XIII la ciudá contaba yá con dalgún tipu de cerca, con trazáu dispuestu por Alfonso IX. Alfonso X impulsaría'l remate de les obres, que s'empecipiaron hacia'l 1261 y tuvieron de terminase nel sieglu XIV.
El Centru d'Interpretación de la Fauna Glaciar y La Cuevona asítiase a la entrada del pueblu d'Avín, y alluguen delles reproducciones de mamuts, un venáu xigante, rinoceronte llanudu, etc., amás de los restos fósiles d'un Coleodonta descubiertu na cueva cercana de La Peruyal.
p>Inauguráu nel 2007, Laboral Centro de Arte y Creación Industrial ye un llugar pa la investigación, formación y producción artística y téunica, amás de pa la proyeición de les formes nueves d'arte y creación industrial.
El Castelón d'Eilao forma parte de la importante rede de poblados que mientres la época altoimperial sirvió de modelu organizativu pa la distribución de la población y la más óptima esplotación de los recursos auríferos de la zona.
Inauguráu nel añu 2000, el muséu tien el so orixe na donación de les cases y finca de Llacín, fecha nel 1994 por Teresa Sordo Sordo y Luis Haces Sordo, fíos de Porrúa y residentes en México.
Esti muséu, allugáu nel Llagar de San Tisu conserva la prensa del mesmu y dellos instrumentos rellacionaos cola ellaboración del vinu y el cultivu de la vide.
Cuaña ye un asentamientu (sieglu IV a.C.) asitiáu na marxe izquierda de la ría de Navia, sobre una llomba, arrodiáu de muralles y con accesu dende'l sur.
El Puentón o Ponte Romana ye'l monumentu más representativu por antonomasia de Cangues d'Onís. Data de la Baxa Edá Media, pero pue falase d'oríxenes romanos, tal como indiquen los gruesos contrafuertes y los agudos taxamares.
Páxines
Zircon - This is a contributing Drupal Theme
Design by
WeebPal.
