V Alcuentros de Músiques Asturianes: La Bonturné
- Música
Fecha:
Hora:
Precio:
Lugar:
Conceyu:
- Gijón/Xixón
Esti cuartetu de maestros, Merce Santos (zanfoña), David Varela (acordión diatónicu y voz), Santi Caleya (gaita y saxu sopranu) y David Casillas (contrabaxu), son conocíos de la escena musical por ser integrantes de formaciones de folk, pop y jazz como La Bandina y Eye in the sky, ente otros, amás de por participar y collaborar colo más variao de la música asturiana: Folkgando, Anabel Santiago, Dixebra , J.V. & Carrio Latin Jazz, Rossaleda, Lliberdón, Dark La Eme o Pauline en la Playa. Con La Bonturné avérenmos a un repertoriu adautáu pal baille nuna llinia mui rellacionada col 'bal-folk' européu, axuntando conocimientos clásicos y maestría na espontaneidá xunto cola capacidá d’improvisación y el frescor creativu, tresmitiendo un prestosu y singular soníu.
Nos últimos años, amás d’una bayura conciertos, rescampla’l so trabayu desarrolláu en Breizh, collaborando con Alain Pennec, Arnaud Ciappolino y Roland Conq, Gilles Servat, Kevren Alré o Roñsed Mor. Anguaño tán preparando’l so primer discu y, l'añu pasáu, grabaron un tema creáu especialmente pal recopilatoriu infantil 'Bestiariu 2'.