Museos
L'aula ta allugada nun antiguu mataderu rehabilitáu, de principios del sieglu XX. Convirtióse nun centru de referencia de vivencies marines, con temes que tomen dende la caza de la ballena na Edá Media hasta la emigración a América.
Asitiáu en Puertes de Vidiago, a doce quilómetros de Llanes, atópase l'Ídolu de Peñatú, un crespón d'arenisca que destaca al oeste de la Sierra de La Borbolla, nuna redolada onde se caltienen unos cincuenta túmulos.
A principios del sieglu XIII la ciudá contaba yá con dalgún tipu de cerca, con trazáu dispuestu por Alfonso IX. Alfonso X impulsaría'l remate de les obres, que s'empecipiaron hacia'l 1261 y tuvieron de terminase nel sieglu XIV.
El Conxunto Etnográficu d'Os Teixois data del sieglu XVIII y ta basáu nel aprovechamientu integral de la enerxía hidráulica del ríu. Nél pue visitase una amplia amuesa d'arquiteutura popular formada por casones, cabazos y horros.
Les termes romanes de Campu Valdés son un muséu in situ sobre unes termes romanes de dómina altoimperial, consideraes como uno de los xacimientos más importantes del norte de la Península.
El castru del Picu San Ḷḷuis, en Samartín de Beduléu, conceyu d'Ayande, foi descubiertu por José Lombardía Zardaín, vecín d'Ayande. Les primeres escavaciones desenvolviéronse mientres 1962 y 1963 baxo la direición compartida d'Elías Domínguez y Francisco Jordá.
L'Aula Didáutica del Parque Arqueolóxicu de la Cuenca del Navia intenta averar al visitante a la comprensión de lo que se dio en llamar ''Cultura Castreña del Noroeste''.
La estación rupestre de La Xorenga ye'l más ampliu conxuntu de grabaos alcontraos n'Asturies.
Diz la lleenda, que la Piedra de Filadoira tresportóla una vieya filandera na cabeza, ensin parar de filar, per tola sierra dende San Roque hasta la Sierra de Enterríos, pa colocala como cubierta d'un dolmen.
Baxo les teles protectores de les escavaciones estiéndense los testimonios d'una sociedá qu'algamó hai casi dos mil años un grau de refinamientu urbanu como hasta'l momentu nun se pudo documentar n'otros poblaos vecinos.
Páxines
Zircon - This is a contributing Drupal Theme
Design by
WeebPal.
